Kindergesondheidsprobleme 'gekoppel aan vader se ouderdom'
Die studie
Die studie, in JAMA Psychiatry, stel voor dat gemuteerde sperms die skuldiges is. Eksperte sê egter die voordele wat ouer vaders bring, kan enige probleme oorskadu. Die ondersoek deur Indiana Universiteit in die VSA en Swede se Karolinska Instituut is beskryf as die grootste en een van die best ontwerpte studies oor die onderwerp. Die navorsers het na 2.6 miljoen mense gekyk en na die verskil tussen broers en susters gebore uit dieselfde vader, aangesien dit verskille in grootword tussen gesinne in ag neem.Vergelyking
Die vergelyking van kinders van ’n 45-jarige pa met dié van ’n 24-jarige pa het aangedui:- outisme was meer as drie keer so waarskynlik
- ’n 13-voudige verhoogde risiko van ADHD
- dubbel die risiko van ’n psigotiese versteuring
- 25 keer meer waarskynlik om bipolêre versteuring te hê
- 2.5 keer meer waarskynlik om selfmoordgedrag of dwelmprobleme te hê
- laer punte by die skool
Daar was geen beginpunt waarna die risiko begin toeneem het nie. Eerder het enige toename in ouderdom ’n geassosieerde toename in risiko gehad.
Die algehele risiko bly waarskynlik laag. Die probleem is klein toename in risiko wat opgeskaal word oor miljoene mense wat later kinders kry. Dit kan lei tot ’n verhoogde voorkoms van sulke versteurings.Navorsers praat
Dr Brian D'Onofrio (een van die navorsers) was geskok oor die bevindings. Die bevindings het ’n hoër risiko voorgestel as voorheen beraam. Hy het aan die BBC gesê: "Die implikasies van die studie is dat die uitstel van kinders kry ook geassosieer word met ’n verhoogde risiko vir psigiatriese en akademiese probleme by die nageslag.
"Die studie voeg by ’n groeiende liggaam van navorsing wat voorstel dat gesinne, dokters en die samelewing as geheel beide die voordele en nadele van die uitstel van kinders kry moet oorweeg."
Foutiewe sperms
Soos die meganisme wat sperms maak ouer word, neem ook die aantal foute toe. Ouer sperms het meer mutasies wat moontlik skadelik is.
Dr James MacCabe, senior dosent in psigose by die Instituut vir Psigiatrie: "Ek wil baie sterk die punt maak dat mans nie op ’n enkele studie, of kumulatiewe studies, moet besluit of en wanneer hulle kinders kry nie."
Hy het gesê die risiko’s is laag. En dat selfs ’n verdubbeling of verdriedubbeling van risiko steeds ’n klein persentasie mense sal raak.
"Met die demografiese verandering wat ons die afgelope dekade gesien het, is dit op ’n bevolkingsvlak ’n bekommernis. Ons kan nou en in die toekoms hoër voorkoms van psigose verwag." Hy het bygevoeg dat ouer vaders baie voordele bring soos meer stabiele verhoudings en hoër inkomste. Dit "weeg waarskynlik op teen" enige risiko’s.
