IVF-sukses kan verdubbel met nuwe metode om foutiewe eierselle op te spoor
In ’n studie wat die vooruituitsigte vir die 1 uit 15 onvrugbare paartjies wêreldwyd kan verander, wys navorsers in China en die VSA hoe hul metode om genetiese defekte in eierelle te vind, die sukseskoers van die voortplantingsbehandeling in vitro bevrugting kan verdubbel.
Die nuwe metode, gebaseer op heel-genoomvolgordebepaling van individuele eierelle, kan lei tot ’n akkurate, veilige en goedkoop manier om geneties normale embrio’s vir in vitro bevrugting (IVF) te selekteer, en sodoende die kanse op die geboorte van ’n gesonde baba verhoog.
Benewens die soek na DNA-volgordevariasies wat met bekende genetiese afwykings geassosieer word, kan die nuwe benadering chromosome-afwykings opspoor.
Studie-outeur Jie Qiao, departementdirekteur en professor in Ginekologie en Verloskunde, Peking Universiteit, 3de Hospitaal, sê: "Op hierdie manier slaan ons twee vlieë met een klap: een stel diepvolgordebepaling-analise om twee tipes genetiese probleme te vermy."
"Teoreties, as dit perfek werk, sal ons die sukseskoers van toetsbuisbaba-tegnologie van 30% na 60% of selfs meer kan verdubbel." Die navorsers beskryf hul werk in ’n onlangse aanlyn uitgawe van die tydskrif Cell.
