Word swanger deur werk te kry!
Jy kan jou kanse om swanger te raak verhoog deur... ’n werk te kry! ’n Amerikaanse studie het 140 miljoen vroulike geboorterekords vergelyk met werkloosheidsyfers en gevind dat die negatiewe gevolge van werkloosheid op vrugbaarheid oor tyd toeneem.
Wetenskaplikes bestudeer die verband tussen vrugbaarheid en werkloosheid al vir meer as ’n eeu.
Die meeste studies vind dat vrugbaarheid korttermyn daal met werkloosheid, maar dit is nie bekend of hierdie negatiewe gevolge aanhou nie, omdat vroue dalk net swangerskap uitstel tot beter ekonomiese tye. Die studie dui daarop dat vroue meer geneig is om swanger te raak wanneer hulle ’n stabiele werk het.
Deur meer as 140 miljoen Amerikaanse geboorterekords vir die periode 1975–2010 te gebruik, ontleed die nuwe studie beide die kort- en langtermyn gevolge van werkloosheid op vrugbaarheid.
“Ons vind dat vroue in hul vroeë 20’s die meeste deur hoë werkloosheidsyfers op kort termyn geraak word en dat die negatiewe gevolge op vrugbaarheid oor tyd groei,” sê die navorsers. “’n Een persentasiepunt toename in die gemiddelde werkloosheidsyfer wat ervaar word tussen die ouderdomme van 20 en 24 verminder die korttermyn vrugbaarheid van vroue in hierdie ouderdomsgroep met ses swangerskappe per 1,000 vroue.” Die studie deur Janet Currie van Princeton Universiteit en kollegas is gepubliseer in die joernaal PNAS.
