Ukutholakala Okusha Kunikeza Ithemba Kwabesifazane Abangenayo Imbeleko

Ososayensi baseChina bathole i-complex yephrotheni engasiza abesifazane abahlushwa ukungabi nenzalo. Ososayensi bathole ukuthi i-cullin-ring finger ligse-4 (CRL4) complex ibalulekile ekugcineni inzalo yabesifazane.

Okokuqala ngqa indlela esebenza ngayo ngazinga le-molecular ingadalulwa. Iphepha elichaza i-CRL4 complex nendlela esebenza ngayo lashicilelwa emaphephandabeni ase-U.S. i-Science Magazine ngoLwesihlanu ngesikhathi saseBeijing.

U-Fan Hengyu, ongumholi weqembu locwaningo waseNyuvesi yaseZhejiang, uthe lokhu kutholakala kudalule ukuthi i-CRL4 complex isebenza kanjani ekugcineni inzalo nasekubambezeleni ukuphela kokuya esikhathini (i-menopause). Lokhu kungandisa isikhathi sesigaba sokuzala. Usana lwentombazane luzalwa nama-follicle angu-100,000, ahlezi engasebenzi. Kusukela ebunganeni bokuthomba izingxenye zama-follicle ziqala ukukhula njalo ngenyanga bese zivuthwa zibe amaqanda akhishwa ngesikhathi sokuvuthwa (ovulation) kwenyanga ngayinye, kuchaza u-Fan.

"Phakathi nempilo yakhe yonke, owesifazane uvuthwa amaqanda avuthiwe angu-300 kuya ku-400 kuphela, kanti ukuphela kokuvuthwa kwamaqanda kusho ukuqala kwe-menopause," kusho u-Fan.

Kulabo abane-Premature Ovarian Insufficiency (POI), echazwa ngokungena kwi-menopause kusenesikhathi ngaphambi kweminyaka engu-40, ukukhulelwa kusalokhu kuyiphupho njengoba kungekho ukwelashwa. Ama-gene akhethekile e-oocyte abalulekile kuma-follicle nase kuzalweni kwabensifazane, kuphawula iphepha, kodwa indlela elawulwa ngayo indlela ama-gene aziveza ngayo ibingaqondakali kahle. Kovivinyo lwaselabhorethri, ososayensi basusa i-CRL4 complex kumagundane besebenzisa amasu e-gene knockout.

Nakuba lingabonisanga zinkinga ngokubukeka, leli gundane kamuva latholakala linganazo izizalo. Libe nezimpawu zokushabalala okusheshayo kwama-oocyte, i-POI kanye nokwehla kwenani lama-gene agcina inzalo. Ucwaningo olwengeziwe ludalule indlela i-CRL4 complex esebenza ngayo.

"Iyawavuselela amaphrotheni ahilelekile ekuzalweni ukuze asize ukulawula ukuziveza kwama-gene, futhi iqinisekise ukuthi ukuhlelwa kabusha kwama-gene okudingekayo inzalo kwenziwa ngendlela efanele," ngokusho kuka-Yu Chao, ongumbhali wokuqala waleli phepha.

Ngokuka-Yu, owesifazane uzongena kwi-menopause masinyane uma kungekho i-CRL4 complex, kodwa lokhu kungenzeka kungabi yikho kuphela okubangela lokho. I-Science Magazine ithe lokhu kuwukutholakala okuguqula umkhakha, njengoba kukhombisa ukubaluleka kwe-CRL4 complex futhi kunikeza impendulo engaba khona mayelana nesizathu sokungabi nenzalo. U-Fan Hengyu uthe kuzokwenziwa olunye ucwaningo kwabesifazane abangenayo i-CRL4 complex. Ngokungenelela endleleni ama-gene aziveza ngayo, abesifazane bangagwema i-POI futhi babambezela i-menopause, okuyoba yindawo egxilwe kuyo ocwaningweni lwesikhathi esizayo, kusho u-Fan.

"Lokhu kuletha ithemba, ikakhulukazi ngesikhathi lapho izwe lisuse khona ukuvinjelwa kokuba nengane yesibili," kufaka u-Fan.